منتديات غيث الخطيب
عزيزي الزائر اهلا وسهلا بك في المنتدى ندعوك للتسجيل في المنتدى لتكون احد اعضائها وتستفيد من المواضيع الموجودة المدير :- غيث الخطيب

منتديات غيث الخطيب

هو منتدى يهدف للتعارف بين الاعضاء والاستمتاع باْجمل الاوقات
 
الرئيسيةاليوميةمكتبة الصورس .و .جبحـثالمجموعاتالتسجيلدخولتسجيل









 

شاطر | 
 

 مغامرة موسرجي مع بنت للوزير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الامورة دانا
عضو مشارك
عضو مشارك
avatar

عدد المساهمات : 73
تاريخ التسجيل : 07/11/2009

مُساهمةموضوع: مغامرة موسرجي مع بنت للوزير   الأربعاء فبراير 03, 2010 12:15 pm

الموضوع: مغامرات مواسرجي..مع بنت الوزير

هدا في يوم من الايام حكى معي واحد اسمه ابو راضي

وابو راضي هدا كان يشتغل شفير عند وزير غني كتير

قاللي اسمع بدي اياك تنظفلنا هالبويلر وبعطيك عليه عشرين ليره
ولمن لا يعرف البويلر فهو جهاز لتسخين الميه وبطلع شحبار اسود زي الزفت
قلت بعقلي انت جيت ولا الهوا رماك والله ما في بجيبتي ولا ترن

قلت بس خليني اتقل شوي فقلتله خليني افكر شوي

قالي ولك انت فيك عقل تفكر قوم فز بسرعه احسن ما اجيب واحد تاني

قلتله طيب طيب خليني اجيب العده ونطلع المهم طلعنا من واد الحداده على عبدون

ودخلني على هالبيت هو بيت؟ قصر

انا انشوحوا عيوني من اولها..... مليان شجر ومليان نسوان ومليان اصنام

بقوله ولك يا ابو راضي كنه ما في زلام بالبيت كله نسوان؟

قالي يا هبيله هدول الخدامات لسه اهل البيت ما صحيوا من النوم

قلتله ولك السيعه 12 ولسه ما صحيوا انا امي بتكون مخلصه طبيخ السيعه 8 الصبح

طيب وليش كل هالاصنام احنا جايين على ابو جهل؟

قاللي هدول تماثيل بعدين اتكترش برم والتهي بشغلك

المهم انا انبلشت بالبويلر ونضفته وخليته يوج وج بس انا اكلت روح الوحله من الشحبار

صرت كلي اسود من ساسي لراسي ومشحبر وحالتي بتصعب عالكافر

اجا ابو راضي واول ما شافني فقع من الضحك قلتله خير مالك بتطلع وبتضحك شو ناسي بوجهي بريزه
قالي ولك هو انت ضللك وجه مهو وجهك وقفاك واحد قاللي اسمع وقف هون احسن ما توسخ

الدنيا وتلعن ابونا على عزا امنا وننطر (ننطرد) من ورا ضهرك اسحك تتحرك من مكانك فاهم؟

قلتله حاضر ..والله انا ضليت واقف زي الصنم مهو البيت مليان اصنام ولا هو جاي على واحد

شكله زي السيرالنكيين قلت بعقلي خليني اطلب منه كاسه مي لانه تمي وزوري مليانين شحبار

فقلتله انت انت ...ابو شباب... ممكن جيب واهد كاسه ميه (يا عيني عاللغه السيرالنكيه)

اتطلع علي باحتقار من فوق لتحت وقاللي ولك انت شو اللي جابك هون

ابن الحرام بحكي عربي احسن مني قلتله والله ما ضل عالخم الا ممعوط الدنب

ما ضل غيرك يحكي يا مصدي ولك انا شايف زيك كراتين روح انقلع جيبلي كاسه مي

الزلمه وجهه اسود بس انا حسيت انه الدم بده يطلع من وجهه من كتر الغضب

قاللي شو بتحكي يا كلب يا حيوان ولك انت عارف حالك بتحكي مع مين

قلتله بطلعلك يا معفن مهو كلب الشيخ شيخ المهم وانا احكي معاه ولا هي جاي هالبنت

الحلوه لابسه اللي عالحبل اجت بسرعه عليه وقلتله بابيييييييييي وباسته

انا الفار بلش يلعب بعبي شكله في اشي غلط قالتله مالك معسب بابي

قالها هدا الحقير بده اياني اجيبله كاسه مي ....البنت شهقت شهقه حسيتها بدها تموت

الفار بلش يلعب اكتر بعبي..... معلش يا بابي هدول الناس اللي بئرفوا ما لازم تحكي معهم

خلي ابو رادي يئلعوا من هون قالت البنت

ايه ايه ايه شو اللي صار شو اللي انا خبصته ومين بابي هدا ولك انتي بيضه وهدا سيرالنكي كيف صار ابوكي بعدين انا بئرف يا بنت ال..........؟؟ وانا مزبهل من اللي صار ولا ابو راضي شرف

ومن ساعه ما اجا زي اللي تكهرب وقال صباح الخير سيدي معلش سيدي هدا المواسرجي جبناه عشان ينظف البويلر سيدي

قلت بعقلي مين سيدي هدا؟ وليش ابو راضي بهزله دنب ؟انا صرت اضحك على ابو راضي وطبعا وجهي اسود بشبه كونتا كونتي تبع فيلم الجذور ومش مبين غير سناني ورحت قلتله ولك يا ابو

راضي هسا هدا السيرالنكي سيدك ؟ شو صار بعقلك يا زلمه

قاللي ولك اخرس يا حيوان هدا سياده الوزير

انا قلت ااااااااااااااااااااااااااه اجاك الموت يا تارك الصلاه اكلنا ..ره ورجعنا لورا

ولا هو هدا الوزير صار يصرخ ويقول ارمولي اياه بره ما بدي اشوف خلقته هون

والبنت بتقول الله يئرفك شو بتئرف بره بره يللا بره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مغامرة موسرجي مع بنت للوزير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات غيث الخطيب :: القسم المختلط :: قسم الضحك والفرفشة والنكت-
انتقل الى:  
المواضيع الأخيرة

معلومات عن زائر المنتدى

IP

جميع الحقوق محفوظة لمنتديات الخطيب